علاوة افيندينا

موضوع: علاوة افيندينا الخميس يوليو 24, 2008 2:50 am

افندينا أنعم علينا بعلاوة

............ ... ...

افندينا أنعم علينا بعلاوة

تجيب كيلو جبنة وعلبة حلاوة

آتاري العلاوة مجرد أتاوة

و احنا علينا الكلام اختلط

*****

عشان في البداية حسبناها خير

و قلنا نواية حتسند يا زير

و حسنة حتمنع بلاوي كتير

و كنا حقيقي في غاية العبط

*****

في لحظة افتكرنا ان لينا حقوق

و نمنا و صحينا لقينا الخازوق

و قبل اما حتى يا عالم نفوق

لقينا اللي لسه حناخده اتشفط

*****

أفندينا يعني في لحظة تجلي

تعطف تلطف و قرر يخللي

مساحة الغلابة تزيد ستة مللي

و ياكلو بدال التراب الزلط

*****
أفندينا أعلن صدور القرار

و قبل اما ينجح في أي اختبار

فوجئنا بزفة و مولد و زار

قصايد جرايد برامج يفط

*****

تؤكد بأن الحكومة بذكاء

و من حزمة واحدة قضت ع الغلاء

و لابد يبقى لدينا انتماء

و ناكل و نشرب و نلبس خطط

*****

عبال النمو اللي قالوا عليه

و حايشينه عنا منعرفش ليه

ماتلمح مكانا في مرة عينيه

و نقدر ندوق منه حتى نقط

*****

مادام كل حاجة تمام ع الورق

مفيش أي داعي عشان القلق

و لو مش مصدق خلاص اتفلق

ورقنا اللي صح وكلامك غلط

*****

و قاللي مواطن عليم بالخبايا

أفندينا قرر تزيد الجباية

عشان شعبه جاحد قليل الرباية

بياكل و ينكر زي القطط

*****
اذا الشعب صدى بفعل البارومة

حتعمل حسابه ف ايه الحكومة

وهي اللي جاهزة بكرباج وشومة

عشان لوفي واحد في عقله اتخبط

*****

تعيش مصر دايما في عز و جمال

يعيش المواطن شديد الاحتمال

و آمن تماما من الاشتعال

و أقصى ما عنده ينكت فقط
منــقول

الللللللللللللللللللللللللللللللللله
الللللللللللللللللللللللللللللللللله
اللللللللللللللللللللللللللللللللله
ربنا يزيدك كمان وكما ن
علشان تمتعينا كتير كتير

_________________

ربنا يخليك يارب
دايما منور صفحاتي

موضوعك جامد .. كالعادة

مش هاستنى منك أقل من المستوى ده

تسلم إيدك وشكراً

_________________

الله يسلمك وشكرا لردك اللي اسعدني

في قمة الروعه

إلى مزيد من الإبداع والتألق أختي نيدووووووو علي

_________________

اذا طعنك أحد من الخلف فأعلم انك بالمقدمة وأعلم ان السم سلاح الجبناء

شكرا ليك يا مديرنا