نصايح للبنات..!!!!!!!

أولا : الولد بيحب البنت الرقيقة

رفّعوا صوتكم يا بنات
و أول ما تشوفى حاجه وحشة .. سورقى
(يغمى عليكى)
من كتر الرقة
عيطى كتير . العياط دليل على الاحساس المرهف . أوائيله .. نكدى عليه الليلة .

ثانيا : الولد بيحب البنت الرومانسية

سبّليله
.
اسرحي كتير
كلميه عن القمر و حاجات من دى
.قوليله شايف القمر يا عتريس
لازم تكونى هيمانة و انتى بتتكلمى
. و يكون صوتك واطى ..
يادوب وشوشة

ثالثا : الولد بيحب البنت المؤدبة

قولى له انه اول واحد فى حياتك حتى لو كنتى متجوزة قبل كده و حامل فى توأم..

و لو سأل على انتفاخ بطنك قولى له كيس دهنى
و لو عارف و متأكد انه كان ليكي علاقات كثيرة زيه
ردي عليه : دى كلها اشاعات ده هما اللى كانوا معجبين بيا لكن انا ولا سألت فيهم كلهم

رابعا : الولد بيحب البنت الاستايل
style

كل ما تشوفى حاجه جديدة قلديها . يقولوا الموضة الشعر الاصفر .. اضربيه اصفر .. الموضه القصير .. قصّريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك
..
دى بتغير منك و مش عايزاكى تبقي على الموضة
.
ملحوظة : لو مش عارفة ايه الموضة اختارى لك واحدة معينة او مذيعة و قلديها .. خليكى نسخة منها .

خامسا : الولد بيحب البنت الدلوعة

ادلعى ياختي انتي و هيّ . ما تبقوش دكر
.

سادسا : الولد بيحب البنت الجذابه اللى بتكون محور اهتمام الآخرين

فهميه ان فيه تانيين كتير معجبين بيكى
و قولى له : ارجوك اوعى تغير انا حواليا كتير .
ولا بيهمنى أبدا منهم ايه يعنى اكون حلوة فى عينهم .
ألّفي قصص وهمية عن الأولاد الهيمانين فيكي و اللي انتى مدوخاهم بسحرك و جمالك .

سابعا : الولد بيحب البنت اللى بتحسسه برجولته و تحسسه بنفسه

ايه ده ! .. ايه العضلات دى كلها .. دى احلى عضلات شفتها فى حياتى .
. يا سلام !! ايه الشياكة دى كلها . انت أشيك ولد شفته فى حياتى .
مش مهم هو لابس ايه .. انبهرى و خلاص

يا سلام !! انت تقاطيع وشك حلوه بشكل
( حتى لو كانت ملخبطه )

و طول مانتى قاعده اشكرى فيه.. خليه كده قاعد نافش ريشه . و مزأطط ع الاخر .

ثامنا : اتمحكى فيه ( الزقي له )خليكى دايما معاه

كل شويه كلميه فى التليفون بأى حجّة . قابليه فى كل حته يروحها . إعملى عليه كمّاشة . بحيث مايعرفش يفلفص منك و لا يشوفش غيرك ادامه . روحى له الشغل

اكبسى عليه مع السكرتيرة .

تاسعا : عددى مواهبك

اكلك لازم مظبوط
قوليله انا ملحي فى الاكل لا كتير ولا قليل وبعمل شاى سكر زياده . وبلون البيض المسلوق .

عاشرا : رغم حبك الشديد للحرية والانطلاق

قوليله انت مالك وقتى وتفكيرى
مش عارفه اعمل حاجه الا انى افكر فيك
مليت عليّا ايامى شغلت ليّا الزمن

النتيجة
:

لو الولد وقع فى دباديبك و قال عاوز يرتبط بيكى : اوعى تقولى ايوه
!
لااااا
..
اتقلى شوية . اعملى نفسك بتفكرى .. سهريه .. لوعيه .. بهدليه .. لكن ماتتقلّيش العيار ليطير منك
.

لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه
.

ملحوظة
:
كررى الخطوات من 1 - 10مع ولد تانى بعد جمع معلومات و عمل تحريات عنه و التأكد من انه فاضى . غير مرتبط
..

و ربنا يوفقك

_________________

هههههههههههههههه
حلوه اوي يا بحر الحب I love you

الموضوع جامد جدا
بس انت كده هاضحك علينا الولاد Crying or Very sad

بيس يا مان

موضوع حميل تسلم الأيادي

_________________

اذا طعنك أحد من الخلف فأعلم انك بالمقدمة وأعلم ان السم سلاح الجبناء

مشكوووووووووووره جدا لوله على المرور العبق
ويا مدير ردك نور الموضوع

_________________

ههههههههههه
أيوة يا عم الخبير
منكم نستفيد

_________________

ثامنا : اتمحكى فيه ( الزقي له )خليكى دايما معاه

كل شويه كلميه فى التليفون بأى حجّة . قابليه فى كل حته يروحها . إعملى عليه كمّاشة . بحيث مايعرفش يفلفص منك و لا يشوفش غيرك ادامه . روحى له الشغل

اكبسى عليه مع السكرتيرة

بصراحه كدا حيزهق منها ومش حيفكر يرطبط بيها اساسا
أيوه تحسسه انها مهتمه بيه لكن التقل لازم

_________________

MOODE

مشكووووووووورين احلى شباب على المرور العطر

واشكرك مودي على تفاعلك وخد بالك هيكون فيه تقل ف الاخر ::

لو الولد وقع فى دباديبك و قال عاوز يرتبط بيكى : اوعى تقولى ايوه
!
لااااا
..
اتقلى شوية . اعملى نفسك بتفكرى .. سهريه .. لوعيه .. بهدليه .. لكن ماتتقلّيش العيار ليطير منك
_________________

هههههههههههههه
دمها خفيف جدااااااااااااااا

مرسي ليك جدا بحر الحب

جميل جدااااااااا بس انا مش معاك انا شايفة ان البنت دايما تكون تقيلة وهو اللى يطلب رضاها
_________________

مشكوووووووووره جدا ريم على المرور العطر

بس على فكره دكتوره مارسيان ممكن يكون التقل اوكي صنعه

مش كل البنات بتعرف تستخدمها ولو فيه بنت بتتقل فعلا وبتعرف تتقل

مش ها تفضل تتقل طول عمرها

مشكوووووووره على مرورك

_________________

مشكور على المجهود لكن اسمحلي اقول ان الموضوع ده ملوش لازمه ومعتقدش انه هيفيد حد من الاعضاء

ونحن في هذا المنتدى نتعامل كاعضاء ولسنا نتعامل معامله اولاد وبنات

شكرا لك

_________________

مشكوووور MUM_m1 على المرور ولكن زي ما انت شايف ان الموضوع ان لم ينفعك

اكيد لن يضرك
مشكور على التفاعل

_________________

من الواضح أنك خبير لا يُشق له غبار لكن بكلامك سوف تعذبنا نحن

لكن لابأس سوف نتصرف

لن نعدم الحيلة

لك سلامي وإعجابي

محبتي : م/ عمير

إنلم تزد في الحياة شيئاً كنت أنت زائداً عليها

أشكرك جدا م/عميرعلى كلامك

بجد وسام على صدري أعتز به

وانشاء الله القادم يعجبك أكثر

_________________