مش فاهم

من طرف **nidoo aly** الأربعاء يوليو 09, 2008 11:35 pm

يا جماعة دي خربشة انا قرأتها وعجبتني ياريت تقولوا رأيكم فيها ايه

بحبه وبجرحه ديما واقول على قلبه دا ظالم
عشان الدنيا شايفاني وهوا لوحده مش فاهم
هواه ذنبي ومش ذنبي
واقول يعني ياريت يعني
يكون بيداري ويخبي
ويخضع للي مش حاكم
وهصبر لو يكون فاهم
وعمري ما أجرحه ابدا واقول على قلبه دا ظالم
كتير جريت امتحنه
واعمل اني زعلانة
وأألف حاجة تجرحني
وانا جانية وغلطانة
لا يزعل مرة ويخاصم
واحلف انه مش فاهم
وألوم روحي على ظلمه وأقول بردو عليه ظالم

انا مقدرشي أحكيله
ولا من شوقي أشكيله
ومش ممكن أنا اللي أبدأ
لازم يطلب وانا أديله!
دأنا حوا منيش آدم
لكن هو مهوش فاهم
فبرجع أجرحه تاني وأقول على قلبه ده ظالم

انا محتاره ليه يعني
أحبه وهو مش داري
ياريت يمشي ومش فارقه
عشان تطفي ياناس ناري
أنا هنسى هواه لازم
مدام هوا مهوش فاهم
بدل ما انا بجرحه دايما واقول على قلبه دا ظالم