هتعمل ايه الأجازة دى؟؟؟

السلام عليكم ورحمة الله وبركاته ................

ازيكم يا شباب ..............

يا رب تكونوا عملتوا كويس فى الامتحانات .......ويا رب النتيجة تبسطكوا

المهم ايه أخبار الأجازة؟؟

الاجازة دى 3 شهور و الوقت ده من عمرنا المفروض نستغلها فى حاجات مفيدة

ونحاول نزود الطاعات بقدر الامكان ونتغلب على الشيطان الرجيم

نحفظ قران كتير شوفو احنا بنذاكر المواد بتاعتنا فى وقت قليل فى الامتحانات

ونعد نذاكر يعنى ساعات كتير فى اليوم الواحد ليه بقى بيجى عند كتاب ربنا ونتكاسل

ليه نتردد دقيقة واحدة انى لازم احفظ قران الاجازة دى ؟.......لازم نقف فى تحدى مع

الشيطان ونقولة لأ وبعدين لومبدأناش دلوقتى هنبدأ امتى؟؟؟؟ قولى انت عندك كام سنة؟

معظمنا اعتقد 15_23سنة دلوقتى اللى بيموتوا هم الشباب دى علامة من علامات يوم القيامة

احنا صحيح بنصلى الفرائض ونصوم رمضان بس فيه حاجات تانية كتيـــــــــــــــــــــر معندناش فكرة

عنها المفروض ندرس توحيد ده فرض عين وفقة ونقرا تفسير ونطلع على الأحاديث النبوية الشريفة

فاللى فاكر انه بيعمل اللى عليه لما يصلى الفرائض بس....لأ ابحث فى دينك العظيم

انا وانت وانتى ممكن نموت فى اللحظة دى ..............هتقابله ازاى وهتقوله ايه؟؟؟؟؟؟؟؟؟؟؟؟؟؟

انا بالكلام ده بذكر نفسى قبلكم الحياة مليانة فتن الأغانى والموضة وتقليد الأجانب فى كل شىء

والاختلاط فى الجامعات ولبس البنات وغيره وغيره

ربنا يعافينى واياكم لازم نتسلح كويس بالاستعانة بالله والتوكل على الله والدعاء والتقرب منه عز وجل

قرب شبر هتلاقى ربك يتقرب ذراعا بس ابدأ وقل يا نفسى كفى عن العصيان

ميــــــــــــــــــن هيبدأ معايا ويقولى أنا معاكم ..................مستنياكم يا خير أمة

يا شباب أمة سيدنا محمد أشرف الخلق أجمعين صلى الله عليه وسلم

الله انى اخلص هذه الكلمات لوجهك الكريم يا الهى يا ذا الجلال والاكرام

اللهم اجعلها فى ميزان حسناتى واحسن خاتمتى وارحم والداى وارزقنا مرافقة حبيبك المصطفى

يوم لا ظل الا ظلك